Синоптиктердің болжамынша, атмосфералық фронталды бөлімдердің өтуімен елдің батысында, солтүстігінде, оңтүстік пен оңтүстік-шығыстың таулы аймақтарында найзағайлы жаңбыр жауады.

Ал республиканың қалған аймақтарында Солтүстік антициклон жотасының әсерінен жауын-шашынсыз, ашық ауа райы күтіледі. Республика бойынша желдің күшеюі, батыста, оңтүстікте – шаңды дауыл сақталуда.

Атырау облысының басым бөлігінде, Павлодар облысының шығысында, Қызылорда облысының шығысы мен орталығында, Қарағанды облысының шығысында, Ұлытау облысының орталығында, Қостанай облысының оңтүстігінде, Ақтөбе облысының оңтүстік-батысында төтенше өрт қауіпі, Қостанай облысының басым бөлігінде жоғары төтенше өрт қауіпі сақталады.