Оқу-ағарту министрлігі мен Ғылым және жоғары білім министрлігін қайта құру аяқталды
Үкімет тиісті қаулы қабылдады.Бұл туралы Оқу-ағарту министрі Асхат Аймағамбетов хабарлад, деп жазады inbusiness.kz.
"Мемлекет басшысының министрлікті бөлу туралы шешімі - отандық ғылымның да, жоғары білім беру жүйесінің де, жалпы білім беру саласының дамуы үшін де өте маңызды. Бұл құрылған екі министрлікке алға қойылған міндеттерге және проблемаларды шешуге егжей-тегжейлі назар аударуына мүмкіндік береді. Жаңа министрліктің басшысы – әріптесім Саясат Нұрбек. Саясат Нұрбекұлының мол тәжірибесі, білімі мен жоғары кәсібилігі министрлік жұмысын жаңа деңгейге көтеруге мүмкіндік беретініне сенімдімін. Бұған дейін әріптесім Білім және ғылым министрлігі жанындағы жұмыс топтарының құрамында болып, осы салалардың көркейіп, дамуына септігін тигізген маңызды жобаларды жүзеге асыруға үлес қосты",- деп жаза келе, әріптестеріне алға қойған барлық жоспар мен жобаны жүзеге сәтті асыра беруге тілектестік білдірді.
