Бүгін 5 қалада ауа сапасы нашарлайды
«Қазгидромет» РМК 17 наурыз күні еліміз қалаларында болатын ауа сапасы туралы мәлімет ұсынды, деп хабарлайды ҚазАқпарат.Синоптиктер болжамына сүйенсек, бейсенбіде Нұр-Сұлтан, Көкшетау, Қостанай, Павлодар және Петропавл қалаларында қолайсыз метеорологиялық жағдайлар күтіледі. Өзге шаһарларда метеожағдай норма шегінде болады. Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
