Жаңашылдыққа жаны құмар, танымдық білімдерін арттыруға ниетті жастарға арналған «Елбасы медалінің» қола жүлдегерлері анықталды. Үздіктердің қатарында көрінген ауданның 3 оқушысы «Елбасы медалін» иеленді.

«Елбасы медалін» табыстау шарасында Қазалы ауданы әкімінің міндетін атқарушы Назымбеков Күнтілес Айдарбекұлы білімімен дараланып, жоба аясында белсенділік танытқан, еңбектену арқылы өз қабілетін таныта білген Е.Бозғұлов атындағы №249 мектеп-лицейдің 10-сынып оқушысы Аралбаева Баян Аманбекқызын, Ы.Алтынсарин атындағы №204 орта мектептің 10-сынып оқушысы Асамбекова Бегзада Мұратқызын, №25 орта мектептің 10-сынып оқушысы Кенжебекқызы Дариғаны марапаттап, сәттілік тіледі.

Шара соңында «Елбасы медалінің» иегері №249 мектеп-лицейдің 10-сынып оқушысы Аралбаева Баян Аманбекқызы жоба барысында өз уақытын басқаруға, мақсат қоюға және оларға жүйелі түрде қол жеткізуге, салауатты өмір салтын ұстануға үйренгендігін жеткізді. Ал, №25 орта мектептің 10-сынып оқушысы Кенжебекқызы Дариғаның анасы Қосбармақова Гулбағида балалардың үнемі өз-өзін дамытуына арналған бірегей жобаны ұйымдастырушы Елбасы Қорына өз алғысын білдірді.