Тони Фергюсон Бенеил Дариуштен жеңіліп қалды
Невада штатының Лас-Вегас қаласында UFC 262 турнирінің екінші маңызды жекпе-жегі өтті, деп хабарлайды 24.kz.Онда промоушеннің бұрынғы уақытша чемпионы Тони Фергюсон өнер көрсетті.
37 жастағы Фергюсонның қарсыласы Бенеил Дариуш болды. Дариуш «Эль Кукуймен» жекпе-жек алдында қатарынан алты жеңіске қол жеткізген. Жеңіл салмақтағы төбелес (70,3 келі) үш раундқа да созылып, төрешілер шешімімен 32 жастағы Дариуштың пайдасына шешілді. Осылайша, америкалық спортшы мансабында 21-рет жеңіске жетті. Тони Фергюсон үшін бұл қатарынан үшінші жеңілісі болды.
