Ортақ мақсат – ортақ міндет
Мемлекет басшысы Нұрсұлтан Назарбаевтың Қазақстан халқына арналған биылғы Жолдауы Қазақстанның Төртінші өнеркәсіптік революция жағдайындағы дамуына арналды. Елімізде 2050 жылға дейінгі ұзақ мерзімді Даму стратегиясы мен «100 нақты қадам – Ұлт жоспары» аясында жүзеге асырылатын реформалар кезең-кезеңімен орындалып жатыр. «Рухани жаңғыру» бағдарламасы бойынша да жүйелі жұмыстар атқарылуда.Биылғы маңызды құжатта төртінші революциялық әлемге қадам басумызға қажетті стратегиялық бағыттар сараланып, ел дамуының жаңа кезеңі көрініс тапқан. Жолдаудағы он негізгі тапсырманы жүзеге асыру арқылы еліміздің әлеуметтік-экономикалық әлеуетін одан әрі жақсарту үшін барлық қазақстандықтар күш-жігерлерін аямай жұмсайды деп сенемін. Барлығымызды ортақ мақсатқа жұмылдыратын, біртұтас ұлт болу қадамымызды айқындайтын өте маңызды құжатта айтылған негізгі бағыттар және одан туындайтын міндеттерді жүзеге асыруда үкіметтік емес ұйымдардың қалыс қалмай, белсенділік танытатындығына сенімдімін.
Сәнімкүл КҮЛІКБАЕВА,
«Қазалы ынтымағы» қоғамдық бірлестігінің төрайымы.
