Саусақ бірікпей, ине ілікпейді

9 сәуір күні Мемлекет басшысы Қасымжомарт Тоқаев Қазақстан Республикасы Президентінің кезектен тыс сайлауын өткізу туралы Үндеу жариялады.

Көптің көкейін дөп басқан ұтырлы ұсыныс қазақстандықтардың ел ертеңіне деген санасына серпін берді. Ел тізгінін уақытша ұстап отырған ҚР Президентінің Үндеуінде айтылғандай, өркендеу мен өрістеу, даму мен қарыштаудың негізгі тетігі бірлік пен берекеден бастауын алады.

Қазақстан Республикасының Тұңғыш Президенті Нұрсұлтан Назарбаевтың отставкаға кетуі барлығымызды алаң күйге түсірген еді. Бүгінгі мемлекет басшысы ұсынып, атқарушы билік қолдаған маңызды шешім тыныштығымызды түзіп, сыртқы қауіптен қорғап, болашаққа байыпты жолмен бағыт алған ел үшін уақытымен көтерілген бастама, шынайы шешім деп білемін.

«Саусақ бірікпей, ине ілікпейді» дейді халық даналығы. Өз ертеңіне енжар қарамайтын конституциялық, зайырлы мемлекет халқы бірлікпен маңызды науқан Президент сайлауын өткізуді қолдап, қуаттайды деген сенімдемін.

Мәлкаждар ДҮЙСЕНОВ,

Еңбек ардагері