Қазалы Қазалы аудандық қоғамдық-саяси газет
» » Қазақстан Ресейдің шағымына жауап берді

Қазақстан Ресейдің шағымына жауап берді

Қазақстан Ресейдің шағымына жауап бердіРесей Қазақстаннан жеткізілетін түсті сынықтардың тоқтатылғанына байланысты ЕАЭО-ға шағымданды. Ал, бүгін аталған жайтқа қатысты ҚР Индустрия және инфрақұрылымды дамыту министрлігі түсінік берді, деп жазады Abai.kz.
Ресейлік бұқаралық ақпарат құралдарының хабарлауынша, Қазақстан жаздың соңында қолданыстағы келісімшарттарға қарамастан, Ресейге түсті сынықтарды жеткізуден бас тартқан. Ал, Қазақстан басқа елдерге дайын өнімнің экспортын тоқтатпаған. Сондықтан да Ресей ЕАЭО-ға шағым түсірді.
ҚР Индустрия және инфрақұрылымдық даму министрлігінің баспасөз қызметі ЕАЭО тауарлар номенклатурасы бойынша Қазақстан аумағынан қара және түсті металдардың сынықтары мен қалдықтарын экспорттауға тыйым салу сыртқы сауда кодекстеріне сәйкес екі жыл мерзімге белгіленгенін түсіндірді. Тыйым Индустрия және инфрақұрылымды дамыту министрінің, Ұлттық экономика министрінің және Қаржы министрінің бірлескен бұйрығымен реттеледі.
«Бірлескен бұйрық» Қазақстан Республикасының ұлттық қауіпсіздігі туралы «заңға сәйкес қабылданды, ол мемлекеттің экономикалық қауіпсіздігін қамтамасыз ету мақсатында мемлекеттік органдардың іс-әрекетіне негіздеме береді және Келісімнің талаптарына қайшы келмейді. Бұл жұмыс отандық металлургия кәсіпорындарын шикізатпен толтыру және ішкі нарықты қамтамасыз ету мақсатында жүзеге асырылады.
Бірлескен бұйрық қара және түсті металдар сынықтары мен қалдықтарының экспортын экспортқа қолданылатын көлік түріне қатысты шектейді, яғни экспортқа тек автомобильмен тыйым салынады», - деді ИжИДМ баспасөз хатшысы Мадияр Уақпаев.
Оның айтуынша, ЕАЭО Шартының 29-бабы 1-тармағына сәйкес тауарлардың өзара саудасына қатысушы мемлекеттер мұндай шектеулерді қажет болған жағдайда қолдануға құқылы.
Министрлік басқа тыйымдарды енгізген жоқ.
24 қыркүйек 2020 ж. 116 0

Жаңалықтар мұрағаты

«    Қазан 2020    »
ДсСсСрБсЖмСбЖс
 1234
567891011
12131415161718
19202122232425
262728293031