Қазалы Qazaly.kz ақпараттық агенттігі
» » Төртінші буын ата кәсібін жалғастырған

Төртінші буын ата кәсібін жалғастырған

Қазалы локомотив жөндеу зауытында кәсіптерін мейлінше сүйетін азаматтар көптеп кездеседі. Ұзақ жылдан бері тынымсыз еңбек етіп келе жатқан ағайынды Серімбетовтер әріптестеріне ауызбіршіл күшімен, үлгілі ісімен таныс.

Ағайындылардың үлкені Қасымхан жарты ғасыр ғұмырын осы ұжымда өткізген тәжірибелі жөндеуші.

«Елу жылда ел жаңа» десе де, электр аппараттарын жөндеу цехының мақтаулы маман бір рет те жауапкершілік жүгіне жеңіл қараған емес. Тепловоз дамыған сайын, оған жалғанатын электр желілері да күрделене түседі. Әр сымды жазбай танып, оның жалғау жолын меңгерген Қасымхан Қарлыбайұлын желі тынысын жазбай табатын дәрігер іспетті.

Оның жолын қуған інілері Батырхан — слесарь, Марат — электр-газбен дәнекерлеуші, Тәуірхан — генераторшы. Әзілхан атты інісі де бір кезде осы ұжымда токарь болып жұмыс істеген.

«Біздің тағдырымыздың темір жолмен тоғысуы кездейсоқ емес. Әкеміз де болат жолдың тарланы. Атамыз да зауыт құрылысын қалауға атсалысқан жанның бірі екен», — дейді Қасымхан. Серімбетовтер әулетінің саладағы ортақ еңбек өтілі ғасырдан астам уақытты қамтиды. Бүгінде төртінші буын теміржолшылары тәрбиеленіп келе жатқан отбасы ата кәсіпті ардақтап, оны лайықты мақтаныш етеді.
Алтын ҚОСБАРМАҚОВА
16 сәуір 2019 ж. 1 171 0

Руханият

Мен өмірді қалаймын

Мен өмірді қалаймын

08 қараша 2024 ж.
Мен өмірді қалаймын.

Мен өмірді қалаймын.

08 қараша 2024 ж.
Мен өмірді қалаймын

Мен өмірді қалаймын

07 қараша 2024 ж.
Мен  өмірді қалаймын!

Мен өмірді қалаймын!

07 қараша 2024 ж.
Мен өмірді қалаймын

Мен өмірді қалаймын

04 қараша 2024 ж.

Жаңалықтар мұрағаты

«    Сәуір 2025    »
ДсСсСрБсЖмСбЖс
 123456
78910111213
14151617181920
21222324252627
282930