Талдықорғандағы облыстық әскери комиссариат басшысын атып өлтірген орынбасар екі жылға сотталды. Судья подполковникті қылмысты афект күйінде жасаған деп тауыпты. Сондықтан ол қоныс колониясында жазасын өтемек, деп жзады ktk.kz.

Бұл оқиға өткен жылдың мамыр айында болған. Облыстық қорғаныс істері жөніндегі департамент басшысы Бердібек Берістемовты орынбасары кабинетінде атып тастаған еді. Сөйтіп есікті іштен іліп, өзі сыртқа шықпай қойған. Тек екі сағаттық келіссөзден кейін ғана тәртіп сақшыларына өз еркімен берілген. Ал енді Оспанов пен Берістемовтың қайғылы жағдайдың алдында жанжалдасып қалғандары анықталды. Бірақ екі басшысының не үшін ренжіскендері ашық айтылмады. Дегенмен бүгін басқа құпияның беті ашылды. Адам өлтірген подполковник басшысының мемлекет мүлкін талан-таражға салу сынды заңсыздығының куәсі болыпты.