Қызылордада оқ атып, адам өлтірген күдіктілер кінәсін мойындады
Қызылордада қала ортасында оқ атып, адам өлтірген үш күдікті кінәсін мойындады. Бул туралы облыстық ІІД баспасөз қызметі мәлімдеді, деп хабарлайды Вaq.kz ақпарат агенттігі.«Күдіктілер Қызылорданың ІІБ уақытша тергеу изоляторына қамалды. Олар кәнісін мойындады», - деді ведомство өкілдері.
Полиция мәліметіне сүйенсек, ҚР ҚК 293-бабы 2,3-бөлімі (Бұзақылық) және 99-бабы 2-бөліміне (Өлтіру) сәйкес, сотқа дейінгі тергеу басталды.
27 наурызда Қызылорда қаласының Әйтеке би көшесінде төбелестің арты атысқа ұласты. Атыстың видеосы желіде тарап кетті. Салдарынан бір адам жарақат алып, ауруханаға жеткізілді. Дәрігерлер оған шұғыл ота жасады, дегенмен аман алып қала алмады.
