Сыбайлас жемқорлыққа қарсы семинар өтті
Қазалы аудандық қазынашылық басқармасының ғимаратында "Nur Otan Qazaly партиясы аудандық филиалының ұйымдастыруымен «Сыбайлас жемқорлыққа қарсы іс-қимыл – әрбір азаматтың міндеті» атты семинар болып өтті.Семинарға «Nur Otan» партиясы аудандық филиалы төрағасының бірінші орынбасары Қасқырбек Мәмбетжан, қаржы бөлімінің басшысы Қайрат Әбубәкірұлы, аудандық қазынашылық басқармасының қызметкерлері қатысты.
Басқосуда Қазалы аудандық қазынашылық басқармасының басшысы Ғалымжан Дүйсембаев ашып, жүргізіп отырды.
Күн тәртібіндегі мәселедегі 2019 жылға арналған Қазақстан Республикасы қаржы министрлігінің Қазынашылық комитеті Қызылорда облысы бойынша қазынашылық департаментінің Қазалы аудандық қазынашылық басқармасы қызметкерлерінің қызметтік әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнама мен Қазақстан Республикасы мемлекеттік қызметшілерінің әдеп кодексін бұзушылықтардың профилактикасын қамтамасыз ету бойынша іс-шаралар жоспары туралы Ғалымжан Дүйсембаев, «Сыбайлас жемқорлыққа қарсы күрес жүргізу – менің міндетім» тақырыбында «Nur Otan» партиясы аудандық филиалы төрағасының бірінші орынбасары Қасқырбек Мамбетжан хабарлама жасады.
Семинарға қатысушылар ой-пікірлерін ортаға салды.
«ҚАЗАЛЫ» ақпарат
