Назарбаев өзінің ең үлкен жетістігін атады
Президент Нұрсұлтан Назарбаев Мемлекет басшысы ретіндегі қызметінің ең үлкен жетістігі деп қазақстандықтардың жас буынын айтты , - деп хабарлайды Тengrinews.kz тілшісі."Мен көріп тұрған қазақстандықтардың жас буыны - бұл Қазақстанның ең үлкен жетістігі, Мемлекет басшы ретінде менің ең үлкен нәтижем. Мен бүгін сіздермен қауышқаныма өте қуаныштымын және Қазақстан Жастары жылымен құттықтаймын", - деді Президент Астанадағы салтанатты шара қатысушыларына. Оның айтуынша, бүгінде өмір сүру саласының барлық түрі өзгерді - білім алу, жұмыс, отбасы және адамдардың бір-бірімен қарым-қатынасы да өзгерген. "Бұл бүкіл әлемнің дамуына түбегейлі әсерін береді, әрине Қазақстан да одан қалыс қалмайды. Көз алдымызда цифрлық қоғамы бар жаңа жаһандық өркениет - білім экономикасы туды. Менің буыным оқушы болған уақытта, бізде теледидар деген болмаған, радио енді пайда бола бастады, телефон деген атымен жоқ.
Бұл қысқа уақыт. 100 жыл - бұл адамзат тарихы үшін түк те емес. Қалай өзгеріп жатқанын көріңіздер. Қазір 10 жыл ішінде өзгеріп жатыр. Еліміз осы уақыт сынына төтеп бере алатындай болуы керек", - деді Президент. Еске салайық, таяуда жастар жылының логотипі бекітілгені хабарланды. 23 қаңтарда Астанада Қазақстандағы жастар жылының ресми ашылуы өтіп жатыр. Аталған іс-шара елімізде мемлекеттік жастар саясатын жан-жақты қолдау мен жүзеге асыруға бағытталған ауқымды іс-қимыл жоспарын іске асыруға бастау болмақ.
kaz.tengrinews.kz
