"25 желтоқсаннан бастап күн баяу ұзарады, ал Таймырдан Сібірге жылжитын суық антициклонның сілемі Қазақстанның көптеген облыстарына қатты аяз әкеледі. Солтүстік орталық және шығыс облыстарда түнгі температура минус 32…37°С-қа дейін төмендесе, кей жерлерде аяз минус 40°С-қа дейін күшейеді. Тіпті Қазақстанның оңтүстік-шығысында да күн суытады, кей жерлерде 25…30°С-қа дейін аяз болады" - делінген Қазгидрометтің хабарламасында.

Тек батыс облыстарда Ресейдің еуропалық бөлігінен жылжитын циклонның ықпалынан жауын-шашын болып, тұман түседі, көктайғақ және күндіз температураның 0-5° аязға дейін, оңтүстік-батыста 0…5° жылыға дейін жоғарылауы болады.