«Түнгі сот» жобасы аясында әкімшілік іс қаралды
Қазалы аудандық сотының судьясы М.Оспанов ҚР ӘҚБтК-нің 610-бабының 1-бөлігімен «Түнгі сот» пилоттық жобасының аясында азамат Ж.-ға қатысты әкімшілік құқық бұзушылық туралы істі қарады.Азамат Ж сот отырысы тағайындалған уақытта жұмыста болуына байланысты, әкімшілік істі жұмыс уақытынан кейін қарау жөнінде сотқа өтініш білдірген.
Іс құжаттарына сәйкес, азамат Ж. Самара-Шымкент тас жолында «HONDA» маркалы автокөлігін басқарып келе жатып, жол қозғалыс ережесін бұзып, «МТЗ-80» маркалы трактор көлігіне соғып, нәтижесінде жәбірленушіге материалдық шығын келтірген.
Сот отырысы барысында Ж. өз кінәсін толық мойындады.
Сот қаулысымен азамат Ж. ҚР ӘҚБтК-нің 610- бабының 1- бөлігімен кінәлі деп танылып, оған 33670 теңге әкімшілік айыппұл салынды.
Қаулы заңды күшіне енбеген.
Қазалы аудандық сотының баспасөз қызметі
