Тұтынушыға тиімді, сатушыға қолайлы

Күз келгенде ел ішіне ырыс пен берекенің қатар енетіні белгілі. Жылдың осы маусымында қазалылық жұртшылық жылда жәрмеңкеде жеңілдетілген бағада өнім алып, жеміс-жидек пен көкөніске жарып қалады.

Дәл осындай көпшіліктің көңілінен шыққан жәрмеңке өткен сенбіде Қазалы қаласында өтті. Молшылық мерекесіне қатысқан аудан әкімі Мұрат Ергешбаев сатушылардың бағасы мен тұтынушылар талабына назар аударды. Сонымен қатар, ала жаздай маңдай терін төгіп, картоп, пияз, сәбіз, қауын-қарбыз егіп, жемісін көріп жатқан диқандармен сөйлесті.

Бұған қоса, жәрмеңкеде қажетті ет, сүт, көкөніс өнімдері сатылымға шығарылды. Аудан басшысы тұрғындармен пікірлесіп, ауыл шаруашылығы өнімдерінің сапасына оң бағасын берді.