Жәрмеңкеде – сапалы өнім, қолжетімді баға

Бүгін Қазалы қаласында күзгі ауыл шаруашылығы өнімдерінің жәрмеңкесі болып өтті. Ауыл шаруашылық жәрмеңкесіне аудан әкімі М. Ергешбаев барып, базар бағасы мен тұтынушылар талабына назар аударды. Күзгі жәрмеңкеде қажетті барлық ет, сүт, көкөніс өнімдері сатылды. Сондай-ақ, картоп, пияз, сәбіз, қауын-қарбыз сияқты азық түрлері де ұсынылды. Аудан басшысы тұрғындармен пікірлесіп, ауыл шаруашылығы өнімдерінің сапасына оң бағасын берді. 

Осы ретте аудандық ауыл шаруашылығы бөлімі бұл бастаманы бірнеше жылдан бері дәстүрлі түрде жүзеге асыруда. Жәрмеңке ұйымдастыру біріншіден, өңірлік тауар өндірушілердің өнімін өткізудің тиімді тәсілі болса, екіншіден, азық-түлік бағасын тұрақтандыруға септігін тигізері анық.