Қызылорда қаласында Қазалы ауданының ауыл шаруашылығы өнімдерінің жәрмеңкесі өтті. Ғ.Мұратбаев көшесінде ұйымдастырылған жәрмеңкеге 24 көлікпен 20 тонна картоп және көкөністер, 3 тонна балық өнімдері, 0,7 тонна сиыр, жылқы және қой еттері, 2 тонна сүт өнімдері, 5 тонна ақ күріш , 0,4 тонна Қазалы кәмпиті, барлығы 31,5 тонна өнім апарылды.

Жәрмеңкеде 8 млн. теңгенің ауыл шаруашылығы өнімдері нарық бағасынан 10-15 пайыз төмен бағада сатылды.

Ауқымды шара аясында қазалылық өнерпаздар өнер көрсетіп, қала тұрғындарына көтеріңкі көңіл-күй сыйлады.