Өзекті мәселелер талқылалды

Облыс әкімінің орынбасары С.Ж.Сүлейменов жұмыс сапарымен Қазалы ауданына келіп, бірқатар нысандарды аралады. Аудан әкімі М.Ергешбаев алдымен құрылысы қарқын алған «Әлсейіт» көпірінің жұмыс барысымен таныстырды. 

Онан соң аудан әкімдігінің мәжіліс залында облыс әкімінің орынбасары С.Сүлейменовтың төрағалығымен жұмысшы топ отырысы өтті. 

Жиында алдағы жылу маусымына дайындық жұмыстары, электр энергиясымен қамтамасыз ету, газ, ауыз су, құрылыс, тұрғын үйлерді қайта жаңғырту, жол қауіпсіздігі, төтенше жағдайлар мен қылмыс, т.б. өзекті мәселелер төңірегінде, сондай-ақ, өңірде жасалынып жатқан жұмыстардың нәтижесі жан-жақты талқыланды. 

Сонымен қатар, отырысқа қатысқан облыстық басқарма басшылары мен орынбасарлары хабарлама жасап, түйткілді мәселелерге тоқталды, маңызды мәселелердің шешімін табу жолдары сараланды. 

С.Сүлейменов тұрғындарға жаңадан үй салуға берілетін игеріліп жатқан бес жаңа қоныстану аймағында жүргізіліп жатқан жұмыстардың барысын сұрады. 

Жиын соңында талқыланған келелі мәселелер қорытындыланып, қатысушы бірқатар кәсіпорындар мен серіктестіктер, дербес салалар басшыларына нақты тапсырмалар жүктелді.