Үстел теннисінен аудандық турнир қорытындыланды

Шарада партия филиалының Атқарушы хатшысы, аудандық мәслихат депутаты Нұрғиса Жалғасбаев және аудандық мәслихат депутаты, Партиялық бақылау комиссиясының төрағасы Әділбек Сарабеков сөз сөйлеп, тартысты бәсекенің жеңімпаздарын марапаттады .
Іс-шараның қорытындысы бойынша келесі нәтижелер тіркелді:
1 орын - №249 мектеп-лицейінің «Абадан» командасы;
2 орын - №24 орта мектебінің командасы (Бекарыстан би ауылы);
3 орын - №249 мектеп-лицейінің «Жанқожа 128» командасы.
Жеңіс тұғырынан көрінген қатысушыларға жүлделі сыйлықтар, кубоктар мен медальдар табысталды. Сондай-ақ бірқатар ойыншылар «Үздік ойыншы», «Жас ойыншы», «Жеңіске деген жігері үшін» номинациялары бойынша марапатталса, үздік теннисшілерді дайындаған ұстаздары «Үздік жаттықтырушы» номинациясына ие болды.
Ойынға аудандық үстел теннисі құрама командасының жаттықтырушысы Медетбек Ермаханов пен құрама команда ойыншысы Майрагүл Ерлан төрелік етті.
Барша қатысушыларды жүлделі жеңістерімен құттықтай отырып, алдағы додаларда сәттілік тілейміз!
#AMANAT