Досболlike - достық дүбірі
Өскелең ұрпақты команда ретінде ортақ іске ұмтылуға, әсіресе, білім алуға, спортта жеңіске жетуге, ізденіске жұмылуға тәрбиелеу – маңызы зор, күн тәртібінен түспейтін мәселе. Осы арқылы оқушылардың арасындағы достықты нығайтып, позитивті қарым-қатынастары мен эмоционалдық әл-ауқатын дамытуға болады. Сол себепті 17 қаңтар мен 17 ақпан аралығында Балалардың құқықтарын қорғау комитетінің балалар омбудсмендері бастамасымен білім беру ұйымдарында «ДосболLIKE» бағдарламасы іске қосылды.
Акция барысында мектептерде театраланған қойылымдар, суреттер конкурсы, концерт, әдеби кештер және қызықты тұлғалармен кездесулер ұйымдастырылады. Сонымен бірге, топтық спорттық, зияткерлік жарыстар өткізіліп, балалар бір-біріне тілекші болуға, қоршаған ортаға, жан-жануарға қамқорлық жасауға машықтанады.
Бір айдан кейін қазалалылық шәкірттер аталған челленджден алған әсерімен бөлісіп, акция барысында тапқан жаңа достары жайында ойын білдіреді.
#достықчелленджі
#ДОСБОЛLIKE
#Қазалыақпарат
#Қазалыбілім
