Алимент төлемеген борышкерлер назарына!
Қазалыда алимент төлемеген борышкердің жүргізуші куәлігінің қолданылуына тыйым салынды.Жеке сот орындаушысы М. Қазалы аудандық сотына борышкер Р.-ның атқару құжатын орындамауына байланысты оған берілген автокөлікті басқару құқығын берілген жүргізуші куәлігін уақытша тоқтату туралы ұсыныспен жүгінген.
Сот отырысында 15.02.2018 жылғы сот бұйрығына сай өндіріп алушы Н.-ның пайдасына борышкер Р.-дан кәмелетке толмаған баласын асырап-бағуүшін барлық табысының және (немесе) өзге де кірістерінің ¼ бөлігінде алимент өндірілгені анықталды.
Жеке сот орындаушысының қаулысымен Р.-ның алимент бойынша берешегі 1 871 084 теңге болып қалыптасқан.
Қазалы аудандық сотының ұйғарымымен жеке сот орындаушысының ұсынысы қанағаттандырылып, жүргізу куәлігінің қолданылуы алимент өндіру туралы атқару құжаты орындалғанша уақытша тоқтатылды.
Ұйғарым заңды күшіне енбеген.
Қазалы аудандық соты
