Велосипед ұрлағаны үшін сотталды
Қазалы аудандық сотында ұрлық фактісі бойынша сотталушы Б.-ға қатысты қылмыстық іс қаралды.Сотта сотталушы Б.-ның Әйтеке би кентіндегі «Тұлпар» стадионында «STELS» маркалы велосипедті жасырын жымқырып, оқиға орнынан қашып кеткені анықталған. Нәтижесінде, сотталушы Б. жәбірленуші Ж.-ға 70 000 теңге көлемінде материалдық шығын келтірген.
Сот отырысында сотталушы кінәсін толық мойындап, жасаған ісіне өкінетіндігін көрсетті.
Сот үкімімен сотталушы Б. ҚР ҚК-нің 188-бабы 1-бөлігі бойынша кінәлі деп танылып, оған 1 жыл мерзімге бас бостандығын шектеу түріндегі жаза тағайындалды.
Сот үкімі заңды күшіне енбеген.
Қазалы аудандық сотының баспасөз қызметі
