Қазалы Qazaly.kz ақпараттық агенттігі
» » Заңсыз ойын бизнесін ұйымдастырғаны үшін сотталды

Заңсыз ойын бизнесін ұйымдастырғаны үшін сотталды

Қазалы аудандық сотында Қазақстан Республикасы ҚК-нің 307-бабының 1-бөлігімен айыпталған сотталушы Т.-ға қатысты қылмыстық іс қаралды.
Іс құжаттарына сәйкес, сотталушы Т. Қазалы ауданы, Әйтеке би кенті, Әйтеке би көшесі,№ 12 үйде орналасқан ғимаратты жалға алып, ойын мекемесін заңсыз ашып, ойын бизнесі саласындағы қызметті заңсыз ұйымдастырып, лицензиясыз жүзеге асырған.
Сотта сотталушының қылмыстық әрекеті, сотта өзінің айыбын мойындап берген жауабымен қатар, қылмыстық іс құжаттарымен толық дәлелденді.
Сот үкіміне сәйкес, сотталушы Т. Қазақстан Республикасы ҚК-нің 307- бабының 1-бөлігімен кінәлі деп танылып, оған осы баптың осы бөлігімен бір жыл мерзімге бас бостандығын шектеу жазасы тағайындалды.
Үкім заңды күшіне енбеген.
Қазалы аудандық сотының баспасөз қызметі
20 шілде 2018 ж. 926 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031