Аудан әкімі Мұхтар Оразбаевтың төрағалығымен 2023-2024 жылдардағы жылыту маусымы кезеңіндегі ықтимал төтенше жағдайлардың алдын алу жөніндегі штаб отырысы өтті.
Жиынға аудан әкімінің орынбасарлары, дербес бөлім басшылары мен аудандағы коммуналдық мекеме басшылары қатысты.
- Ауданда қазан айының екінші он күндігінен бастап жылу беру маусымы басталып кетті. Өздеріңіз білесіздер еліміздің кейбір аймақтарында жылу беру кезеңіндегі кейбір олқылықтардың салдарынан оқыс оқиғалар орын алып, тұрғындар қайғылы жағдайларға ұшырауда. Жылу беру маусымы кезеңінде ауданда ешқандай кемшіліктер болмауы керек, - деді Мұхтар Әуесұлы.
Сонымен қатар әлеуметтік нысандар мен тұрғын үйлерде тұрмыстық газдың салдарынан орын алатын өрт оқиғаларының алдын алу бойынша жұмыстарды күшейтіп, аудандағы адам көп шоғырланатын орындар мен тұрғын үйлерді аралап, түсіндірме жұмыстарын жасауды тапсырды.