Түнгі рейд тәртіпке шақыруда
Кәмелетке жасқа толмағандар арасындағы құқық бұзушылықтың алдын алу мақсатында ұйымдастырылған кезекті рейд жұмыстарының жетекшісі – аудан әкімінің орынбасары Жалғас Сүйеубаев.Рейдтің мақсаты – оқушылар арасында құқық бұзушылықтың алдын алу, топтық жиындарды болдырмау, түнгі уақыттарда ата-анасыз үй-жайларынан тыс жерге бармауын қадағалау.
Жалғас Оңғарұлы бастаған топ Әйтеке би кентіндегі мейрамханалар, ойын-сауық орталықтары, тамақтану орындары, саябақ, ойын алаңдары және балалар көп шоғырланатын аймақтарды қатаң бақылауға алды.
Түсіндірме жұмыстары барысында кәмелет жасқа толмаған мектеп оқушылары анықталып, ата-аналарына ескерту берілді. Сонымен қатар, беймезгіл уақытта ғимаратқа кіргізгені үшін ойын орталығының иесіне әкімшілік хаттама толтырылып, айыппұл салынды.
"ҚАЗАЛЫ" ақпарат
