Түнгі рейд жұмысы жалғасуда
Ауданда бірнеше күннен бері аудан басшысы Мұхтар Оразбаевтың тапсырмасына сәйкес түнгі рейд жұмыстары жүріп жатыр. Бүгін аудан әкімі аппаратының басшысы Ринад Ібайдуллаұлы бастаған рейдтік топ құқық бұзушылықтың алдын алу үшін жасөспірімдерге түсіндірме жұмыстарын жасады.Нақтыласақ, компьютер клубтарына, ойын-сауық орталықтарына, түнгі клубтарға, кафе және бильярд клубтарына аялдады. Сондай-ақ, орталық стадионға, саябақтарға, спорт алаңдары, тойханалар мен мейрамханаларды аралауда.
Топ құрамында аудандық мәслихат депутаттары, Әйтеке би кенті әкімі, аудандық білім бөлімінің басшысы мен қызметкерлері, аудандық полиция бөлімінің қызметкерлері және дербес бөлім басшылары бар.
"ҚАЗАЛЫ" ақпарат
