Сеньорлар арасында шахматтан әлем чемпионаты өтеді
24 қазан мен 6 қараша аралығында Италияның Террасини қаласында шахматтан сеньорлар арасындағы 2023 жылғы әлем чемпионаты өтеді, деп хабарлайды inform.kz.ҚР шахмат федерациясынан мәлім еткендей, турнирге 50 және 65 жастан асқан ойыншылар қатысуға құқылы.
ФИДЕ турнирлерінің ережесіне сәйкес чемпионат төрт категория бойынша өтеді: 50+ және 65+ (ашық чемпионат және әйелдер чемпионаты).
Ұйымдастырушылар – Халықаралық шахмат федерациясы (ФИДЕ) және UniChess және Accademia Scacchistica Monrealese-мен бірлескен Италия шахмат федерациясы.
