Қазалы аудандық сотында бұйрықтық іс жүргізу өндірісімен ҚР ҚК-нің 287-бабының 1-бөлігімен айыпталған Ж.-ға қатысты қылмыстық ісі қаралды.

Іс құжаттары бойынша азамат Ж.-ны полиция қызметкерлері тоқтатып тексеру барысында, джинси шалбарының оң қалтасынан қолдан жасалған суық қаруға жататын пышағын заңсыз алып жүргені анықталған.

Сотқа дейінгі тергеп-тексеру барысында Ж. кінәсін толығымен мойындап, сотқа істі бұйрықтық іс жүргізумен қарауға талап-тілек білдірді.

Сот үкімімен сотталушы Ж. ҚР ҚК-нің 287-бабының 1-бөлігімен кінәлі деп танылып, оған 30 айлық есептік көрсеткіш мөлшерінде 72 150 теңге айыппұл түрінде жаза тағайындалды.

Үкім заңды күшіне енген жоқ.