Электронды форматтағы қылмыстық іс қаралды

Қазалы аудандық сотында Қазақстан Республикасының ҚК-нің 296-бабының 2-бөлігімен сотталушы Б-ға қатысты қылмыстық іс электронды нысанда қаралды.

Әйтеке би кентіндегі Жанқожа мен Пірімов көшелерінің қиылысында сотталушы Б.-ның күртешесінің сыртқы сол жақ қалтасынан «Бонд» темекі қорабына салынған жасыл түсті шөп тәріздес есірткі заты табылған.

Қызылорда облысы бойынша сот сараптама институтының қорытындысына сай, Б-дан тәркіленіп алынған зат - кептірілген марихуана есірткісі болып табылған, салмағы 0,95 грамм.

Сот үкімімен сотталушы Б. ҚР ҚК-нің 296-бабы 2-бөлігімен кінәлі деп танылып, оған 30 айлық есептік көрсеткіш мөлшерінде 72 150 теңге айыппұл жазасы қолданылды.

Үкім заңды күшіне енбеген.