ҚАУІПТІ АЙМАҚ ҚОРШАЛЫП ЖАТЫР
Аудан орталығындағы тұрғын үйлерге жақын орналасқан «Шалабай» каналы балалар үшін қауіпті аймақ болып саналады. Тұрғындардың қауіпсіздігін қамтамасыз ету үшін аудан басшысы Мұхтар Оразбаев аталған каналды қоршау үшін Әйтеке би кентінің әкімі Қайрақбай Орынбасаровқа тапсырма берген болатын.Қазіргі таңда «Шалабай» каналының айналасын қоршау жұмыстары жүргізіліп жатыр. Жалпы ұзындығы 1,1 шақырым болатын аумақтың жартысынан астамы қоршалды.
Бүгін аудан әкімі Мұхтар Оразбаев аталған аумаққа арнайы барып, атқарылып жатқан жұмыстармен танысты. Мұхтар Әуесұлы қоршау жұмыстарын сапалы әрі уақытында аяқтауды тапсырды.
"ҚАЗАЛЫ" ақпарат
