Саябақ пен спорт алаңы салынды
Жергілікті жерде балалар жылы аясында демеушіліктің есебінен бірнеше спорт алаңдары салынуда. Қазіргі таңда Сарбұлақ ауылында саябақ пен Әйтеке би кентінде спорт алаңының құрылысы аяқталып, ел игілігіне пайдалануға берілді.Соған орай жуырда аудан әкімі Мұхтар Оразбаев Әйтеке би кентіндегі Т.Айбергенов көшесіне арнайы барып, демеушілікпен салынған ойын алаңын көрді.
Мұхтар Әуесұлы балалар жылына орай кәсіпкерлердің көмегімен салынған ойын алаңын күтіп ұстауды Әйтеке би кентінің әкімі Қайрақбай Орынбасаровқа тапсырды.
Айта кетейік, балалар жылына орай Қазалыда бұдан бөлек тағы да 3 спорт алаңының құрылысы жүргізілуде. Оның екеуі аудан орталығы – Әйтеке би кентінде болса, біреуі Аранды ауылында салынып жатыр.
«ҚАЗАЛЫ» ақпарат
