Сапаға сын айтылды
Қазалы ауданында абаттандыру жұмыстары жүйелі жүргізілуде. Жолдарға асфальт төселіп, жарықтандыру ісіне көп көңіл бөлініп келеді. Балалар үшін спорт алаңдары да көптеп салынуда. Бұл жұмыстардың сапалы атқарылуы – басты назарда.Жуырда аудан әкімі Мұхтар Оразбаев Әйтеке би кентінің Қарасақал Ерімбет көшесіне арнайы барып, абаттандыру жұмыстарын көрді. Құрылыс басында тиісті бөлім басшылары қазіргі таңда атқарылып жатқан жұмыстардың барысымен таныстырды. Мердігермен кездесуде аудан басшысы жұмыстың кемшін тұстарын айтып, оларды тез арада жоюды тапсырды. Мұнан соң М.Әуесұлы аудан орталығын аралап, Әйтеке би кентінің әкімі Қайрақбай Орынбасаровқа тазалық мәселесіне айрықша мән беру қажеттігін атап көрсетті.
«ҚАЗАЛЫ» ақпарат
