А.Байтұрсынұлының еңбектері жиналған жаңа жинақ жарық көрді
Ахмет Байтұрсыновтың еңбектері мен ғылыми деректері қазақ ұлтына ғана емес барлық түркі әлеміне бағалы. Шетелден келген профессерлор осылай дейді, деп хабарлайды 24.kz.Айтуларынша, ғалымнан қалған мұралар тектес ұлттардың байланысын нығайта алады. Ұлт ұстазының бұдан өзге де құнды еңбектері көп. Осының барлығы Еуразия ұлттық университетінде өткен ғалымның мерейтойына арналған халықаралық конференцияда айтылды. Жиынның мақсаты – Ахметтанушылардың жаңа буынын қалыптастыру және ғалымның еңбектері негізінде өскелең ұрпақты тәрбиелеу. Одан бөлек, келелі кеңесте Ахмет Байтұрсыновтың еңбектері жиналған жаңа кітаптың тұсауы кесілді. Жинақта ұлт ұстазының барлық еңбегі бар. Ардақ Бейсенбай, ЕҰУ филология факультетінің деканы: – Ахмет Байтұрсыновтың ғылыми мұраларына арналған, тілдің барлық әдебиеттің жан-жақты ғалымы болған. Универсалды ғалым, аудармашы болды. Соның барлық еңбектері осы бүгінгі шығып жатқан, тұсауы кесіліп жатқан еңбекте жазылып, қазіргі таңда мынау кейінгі ұрпаққа зерттеуші жас ғалымдарға үлкен азық болатынына сенімдіміз.
