Ауданда жастар апталығы басталды
12 тамыз – Халықаралық жастар күніне орай аудан көлемінде ауқымды шаралар өткізілмек. Бүгінде аудан бойынша атаулы датаға орай жастар апталығы жарияланды.– Апта бойы ұйымдастырылатын мерекелік шаралар әр күні әртүрлі атаумен өткізілетін болады. Атап айтсақ, 9 тамыз – аудан жастарының таза аймақ қалыптастыру мақсатындағы «Эко Марафон» сенбілік акциясы өткізіледі. Сондай-ақ, сенбілікке қатысушыларға және қала, аудан жастарына арналған «Қарбыз FEST» жобасы – Экологиялық марафонның қорытындысы ретінде тазалық шарасына атсалысқан тұрғындарға қарбыз ұсыну шарасы өтеді. 10 тамыз – «Таланттар күні» – Шығармашылық өкілдерінің (барлық жанрлар бойынша) ашық аспан астындағы өнер фестивалі, 11 тамыз – «Балаларға қуаныш сыйлау күні» аудан аумағындағы жөндеуді қажет ететін, балаларға арналған ойын алаңдарын қалыпқа келтіру және көпшілік қайырымдылық шарасы өткізіледі.
Сондай-ақ, 12 тамыз – Халықаралық жастар күніне арналған «OPENAIR» концерті, «Аула – Спорт» шарасы, Инновациялық идеялар жәрмеңкесі, «Мүмкіндіктер керуені» жобасы сынды мәдени-көпшілік іс шаралар өткізіледі. Барлық қазалылық жастарды мерекелік шаралардың белсенді қатысушы болуға шақырамыз, – деді аудандық Жастар ресурстық орталығының директоры Нұрбек Ақпанбетов.
«ҚАЗАЛЫ» ақпарат
