Саяси күштердің бірігуі – үлкен күш
Кеше еліміздің саяси өмірінде маңызды оқиға болды. "AMANAT" партиясының кезектен тыс XXIII съезі өтіп, «ADAL» партиясы «AMANAT» партиясына қосылды. Бұл әлемдік тәжірибедегі қалыпты жағдай. «AMANAT» партиясы тарихында осындай бірнеше кезеңдерден өткен болатын.Өздеріңіз білесіздер, «Отан» партиясы құрылған кезде I құрылтай съезінде саяси ұйымның құрамына Қазақстан халық бірлігі партиясы, Қазақстанның демократиялық партиясы, Қазақстанның либералдық қозғалысы, «Қазақстан – 2030 үшін» қозғалысы кірді.
2006 жылы «Отан» партиясының құрамына «Асар», Қазақстанның Азаматтық партиясы және Қазақстанның аграрлық партиясы кірді. Халықаралық тәжірибеге назар аударсақ, дамыған елдердің жетекші партиялары да бірігу процесінен өткенін көреміз. Сьездің тағы бір маңызды мәселесі Мемлекет басшысы Қасым-Жомарт Тоқаев өзінің партия төрағалығын тоқтататындығын және партия қатарынан шығатындығын мәлімдеді және төрағалыққа ҚР Парламенті Мәжілісінің төрағасы Ерлан Жақанұлының кандидатурасын ұсынып, делегаттар тарапынан бірауыздан қолдау тауып, партия төрағасы болып Ерлан Жақанұлы Қошанов сайланды. Жаңарған партиямен жаңа Қазақстанды құру үшін жасалып жатқан жұмыстар жемісін беріп, оңынан болғай.
#AMANAT
Ибайдулла ТІЛЕП
