Жиын барысында «ADAL» саяси партиясының «AMANAT» партиясына қосылуы туралы мәселесі қарастырылды. Жалпы қазір партиялық жүйеде белсенді саяси партиялардың күшеюге бет ала бастағанын байқауға болады. Мысалы бүгінгі «ADAL» партиясының «AMANAT» партиясына қосылу туралы шешімі. Партиялардың нығаю үдерісін қолдау керек деп есептеймін. Өйткені ол азаматтық қоғамға, қарапайым азаматтар мен мемлекеттік құрылымдар арасындағы диалогтың тиімділігіне оң әсер етеді.

Жиындағы тағы бір негізгі мәлімдемелердің бірі ҚР Президенті Қасым Жомарт Тоқаевтың өз төрағалығын тоқтатуы жөнінде хабарлағандығы. Сондай-ақ төрағалыққа Парламент Мәжілісінің төрағасы Ерлан Қошанов ұсынылып, делегаттар тарапынан партияға жаңа төраға сайланды.

Сөз соңында Мемлекет басшысы еліміздің тәуелсіздігі мен тұтастығы жолындағы партия жұмысына сәттілік тілеп, Жаңа Қазақстан құру жолында батыл өзгерістер керек екенін және бұл өзгерістерді әркім өзінен бастау керек екенін жеткізді. Жаңа әділ Қазақстанды құру үшін жаңаша бағыттағы партия жұмыстарын бірлесе жүргізе беруіміз қажет деп есептеймін.