Әжелер ән салды
Жақында Роза Бағланованың 100 жылдығына арналған “Айналайын” атты онлайн жобада концерт өткізілді.Ақтан батыр ауылдық клубының ұйымдастыруымен өткен бағдарламада клуб жанынан құрылған "Қазына" әжелер ансамблі өнер көрсетті. Халық қаһарманы, даңқты жерлесіміздің өнерін өрістетіп, келер ұрпақ жадына ұялату мақсатындағы шарада әншінің орындауындағы әндер шырқалып, ансамбльдің жаңа репертуарын көрерменге көрсетті.
Меруерт Құрманова "Ах, Самара қаласы", Жұпар Хайруллаева, Әлия Мақаш, Өтебике Сапаева, Ұлмекен Сансызбаева, Бағдагүл Ермекбай жеке дауыста халық әндерін шырқады. Ән орындаушыларды ансамбль музыкалық жетекшісі Базаркүл Қасымқызы баянмен сүйемелдеді.
Жаңыл ҚАЛЫМ,
Ақтан батыр ауылдық клубының әдіскері
