Медиация арқылы қылмыстық іс қысқартылды

Қазалы аудандық сотында ҚР ҚК-нің 188- бабының 1-бөлігімен айыпталған А.-ға қатысты қылмыстық іс қаралды.

Сот барысында анықталғандай, сотталушы А. Қазалы станциясының темір жол вокзалының күту залында, бөтеннің мүлкін жасырын жымқыру мақсатында, қасақана жәбірленуші Ж.ның «Самсунг Галакси А-5» ұялы телефонын жасырын түрде ұрлап, нәтижесінде жәбірленушіге. жалпы құны 110 000 теңге болатын материалдық залал келтірген.

Сот отырысында тараптар бітімгершілікке келіп, жәбірленуші сотталушыға ешқандай талап қоймайтынын мәлімдеп, медиациялық туралы келісімді бекітуді сұрады.

Сот қаулысымен ҚР ҚК-нің 188 –бабының 1- бөлігімен айыпталған А.-ға қатысты қылмыстық ісі ҚР ҚК-нің 68-бабының 1-бөлігімен, жәбірленушінің сотталушымен татуласуы негізінде қылмыстық жауаптылықтан босатылып өндірістен қысқартылды.

Қаулы заңды күшіне енген жоқ.