Мәдениет және спорт министрлігі бөліне ме?
Мәдениет және спорт министрлігін бөлу мәселесін жоғарыдағы басшылық шешеді. Бұл туралы Мәдениет және спорт вице-министрі Ерлан Қожағапанов айтты, деп хабарлайды inbusiness.kz.«БАҚ-тан (мәдениет және спорт салаларын бөлу мәселесін – автор) бұл мәселе туралы оқыдық. Ондай ұсыныстар болды. Оны басшыларымыз шешеді. Бұл Мемлекет басшысының қарауындағы мәселе. Сондықтан бұл мәселе бойынша жауапты жоғарыдағы басшылықтан күтеміз», - деді вице-министр ОКҚ-де өткен баспасөз мәслихатында. Айта кетейік, мұндай бастама қазақстандық спортшылардың Токио Олимпиадасы сәтсіз өнер көрсетуінен туындаған. Дүбірлі додада олар 8 қола медаль алып, жалпы командалық есепте 83-орынға ие болды. Биыл Токио Олимпиадасы 23 шілде – 8 тамыз аралығында өткен еді.
