«Нұр-Сұлтан, Алматы, Шымкент, Атырау және Қарағанды қалаларында 2021 жылғы 2 тамыздан бастап орталық мемлекеттік органдарды, әкімдіктерді, құқық қорғау органдарын, денсаулық сақтау ұйымдарын, БАҚ-ты, азық-түлік дүкендерін, дәріханаларды және тіршілікті қамтамасыз ету ұйымдарын, сондай-ақ осы тармақтың 4-ші тармақшасында көрсетілген ұйымдарды қоспағанда, меншік нысандарына қарамастан, «Ashyq»-қа қатыспайтын барлық кәсіпорындар мен ұйымдардың қызметін тоқтата тұрылсын», - делінген қаулыда. Сонымен қатар ертеңнен бастап аталған қалаларда ойын-сауық, спорттық және басқа да бұқаралық іс-шараларды, сондай-ақ отбасылық, естелік іс-шараларды өткізуге тыйым салынады.  Ал «Ashyq» жобасынан тыс құрылыс жұмыстарын жүргізуге, өнеркәсіптік кәсіпорындардың қызметіне, жанаспайтын қызмет көрсетуге, гүл дүкендерінің, фотосалондардың қызметіне, туристік компаниялардың, бизнес орталықтардың, қызметтің жекелеген түрлерінің қызметіне, қоғамдық тамақтану объектілерінің тек алып шығуға және жеткізуге арналған қызметіне рұқсат етіледі.