Ғ.Мұратбаев ауылдық округінің әкімін сайлауға халық таңнан белсенділік танытты. Жастармен қатар аға буын өкілдері мен ауыл қариялары өз таңдауларын жасады. Сайлау комиссия мүшелері карантин талаптарына сай бір реттік киім мен бетперде және қорғаныш маскасымен қамтамасыз етілді.

Сонымен бірге антисептика және бірнеше бетперде келушілерге ұсынылды. Алғаш болып дауыс берген Несібелі Таласбаева мен ең қарт сайлаушы Үмбет Бұқарбайға саяси науқаннан тыс қалмай қосқан үлесі үшін сый тарту етілді.

Бір ескерерлігі, ауыл сыйлаған ақсақал 90 жасқа таяса да, ешкімнің демеуінсіз өз күшімен келіп қатысқан. Комиссия төрағасы Дархан Теңгебайұлының айтуынша, осы уақытқа дейін 925 сайлаушының 50% дауыс берді. Сайлау тыныш жағдайда ешқандай дау дамайсыз өтті.