Бүгін бірнеше облыста көктайғақ болып, жел күшейеді

Атмосфералық фронттардың өтуіне байланысты Қазақстанның басым бөлігінде ауа райы құбылмалы. Кей жерлерде жауын-шашын жауады, оңтүстікте қатты жауын-шашын болуы мүмкін. Тек батыста ауа райы жауын-шашынсыз болады, деп хабарлайды Baq.kz ақпарат агенттігі.

Республиканың басым бөлігінде тұман түседі. Кей жерлерінде көктайғақ, желдің күшеюі, солтүстікте жаяу бұрқасын болуы мүмкін.

Солтүстік Қазақстан облысының кей жерлерінде тұман, көктайғақ, желдің 15-20 м/с күшейіп, жаяу бұрқасын болады.

Жамбыл, Оңтүстік Қазақстан, Қызылорда, Шығыс Қазақстан облыстарының кей жерлерінде тұман, көктайғақ, жел 15-20, Жамбыл облысында күндіз желдің екпіні 23 м/с.

Қостанай облысының кей жерлерінде - тұман, күндіз жел 15-20 м/с күшейеді.

Маңғыстау, күндіз Атырау облыстарының кей жерлерінде жел 15-20 м/с жетеді.

Қарағанды облысының кей жерлерінде - тұман, түнде көктайғақ болуы мүмкін.

Ақмола, Алматы, Батыс Қазақстан облыстарының кей жерлерінде - тұман.