Қазалы Қазалы аудандық қоғамдық-саяси газет
» » 5 айда теміржолмен 105 млн тонна жүк тасымалданған

5 айда теміржолмен 105 млн тонна жүк тасымалданған

2021 жылғы мамырда «Қазақстан темір жолы» ұлттық компаниясы» АҚ желісінде жалпы жүк тиелімі 21,8 млн тонна болды, деп хабарлайды inbusiness.kz.

Бұл өткен жылдың осы кезеңімен салыстырғанда 6%-ға артық. Атап айтсақ, 8,1 млн тонна көмір жіберілді. 2020 жылғы мамырмен салыстырғанда көрсеткіш 5%-ға өсті. 744 мың тонна астық тасымалданды, өткен жылмен салыстырғанда өсім – 17%. «Мамырда мұнай өнімдерін тасымалдау 3%-ға (1,3 млн тоннаға дейін), темір кенін тасымалдау 25%-ға (2,5 млн тонна) өсті. 2 млн тонна түсті металл, 458 мың тонна қара металл, 326 мың тонна химиялық және минералды тыңайтқыштар, 1,6 млн тонна құрылыс материалдары тиелді», - деп жазылған ұлттық компаниясының баспасөз қызметі таратқан хабарламада. 2021 жылғы 5 айда «Қазақстан темір жолы» ұлттық компаниясы» АҚ желісі бойынша 104,7 млн тонна жүк тиелген, өткен жылдың осы кезеңімен салыстырғанда өңдеу 3,6%-ға өскен. Оның ішінде республика бойынша 67,3 млн тонна жүк тасымалданды (бұл өткен жылмен салыстырғанда 2,1% артық). Экспорт 6,4%-ға өсіп, 37,4 млн тонна болды. «Биыл қаңтар-мамырда 43,7 млн тонна көмір тасымалданды, өткен жылдың сәйкес кезеңімен салыстырғанда өсім – 3,3%. Стратегиялық жүктің басым бөлігі шамамен 32 млн тоннаға жуығы (бұл өткен жылғы деңгейден 11%-ға жоғары) қазақстандық тұтынушыларға жеткізілді. 3,9 млн тонна астық тиеліп жіберілді, өткен жылмен салыстырғанда өсім – 10,2%», - деп жазылған хабарламада.


16 маусым 2021 ж. 114 0

Жаңалықтар мұрағаты

«    Қаңтар 2022    »
ДсСсСрБсЖмСбЖс
 12
3456789
10111213141516
17181920212223
24252627282930
31 
  • Қытайда екі миллиардтан астам вакцина салынды