Қазалы Қазалы аудандық қоғамдық-саяси газет
» » Сыр елінде Ы.Жақаевтың 130 жылдығы, Р.Бағланованың 100 жылдығы атап өтіледі

Сыр елінде Ы.Жақаевтың 130 жылдығы, Р.Бағланованың 100 жылдығы атап өтіледі

Қызылорда облысында Тәуелсіздіктің 30 жылдығына орай 266 іс-шараны қамтитын кешенді жоспар бекітілген. Бұл туралы Қызылорда облысының әкімі Гүлшара Әбдіқалықова елордада өтіп жатқан халыққа есеп беру кездесуінде баяндады, деп хабарлайды inbusiness.kz.

Өңір басшысының айтуынша жыл басынан бері 12 бағыттағы 266 іс-шараның 70-і өткізілген. «Жалаңтөс Баһадүрдің 445 жылдығына арналған іс-шаралар, республикалық айтыс, ақын, жырау Кете Жүсіптің 150 жылдығына арналған жыраулар мен жыршылар байқауын өткізуді жоспарлап отырмыз. «Дала академигі» Ыбырай Жахаевтың 130, КСРО халық артисі, әнші Роза Бағланованың 100 жылдықтарын атап өтеміз», – деді Қызылорда облысының әкімі. Сонымен қатар Гүлшара Әбдіқалықова аймақта ұлттық мәдени құндылықтарды дәріптеуге және ел тарихын зерттеуге ерекше назар аударылып жатқанын атап өтті. «Осы жылдың мамыр айында ең ежелгі өркениет орталықтары болған қалалар – сақтардың астанасы Бәбіш мола, оғыздардың бас қаласы Жанкент, қыпшақтар мен Қазақ хандығының астанасы – Сығанақ қалаларының орнында археологиялық зерттеулер басталды», – деді аймақ басшысы.

10 маусым 2021 ж. 49 0

Жаңалықтар мұрағаты

«    Маусым 2021    »
ДсСсСрБсЖмСбЖс
 123456
78910111213
14151617181920
21222324252627
282930