"Тұман мен жел күшейеді": 16 сәуірде ауа райы қандай болмақ
16 сәуірде республиканың басым бөлігінің ауа райына антициклон жотасының ықпалы сақталады. Осыған орай жауын-шашынсыз күн райы болжанады. Республиканың тек оңтүстік және батысында атмосфералық фронталды бөліктердің өтуіне байланысты кей жерлерде жаңбыр жауып, найзағай болады. жекелеген өңірлерде тұман, желдің күшеюі күтіледі, деп хабарлайды ҚазАқпарат «Қазгидромет» РМК-ға сілтеме жасап. Атап айтқанда, Жамбыл, Түркістан облыстарының кей жерлерінде жел 15-20 м/с күшейеді. Солтүстік Қазақстан, Павлодар облыстарының кей жерлерінде тұман күтіліп, күндіз жел 15-20 м/с артады. Алматы облысының Алакөл аумағында жел 15-20 м/с күшейеді. Қостанай, түнде және таңертең Маңғыстау, Атырау облыстарының кей жерлерінде тұман болжанады. Еске салайық, осыған дейін Алматыда бірнеше күн қатарынан күн райы жылы болды. Дегенмен келесі аптаның ортасында мегаполисте қар жауып, ауа температурасы төмендеуі мүмкін.
