Қазалы аудандық сотында «Мемлекеттік тіл - сот өндірісінде» тақырыбында дөңгелек үстел өткізілді.

Іс шараға Қазалы аудандық сотының судьялары, Қазалы ауданы бойынша Мемлекеттік кірістер басқармасының бас маманы К.Бабанаев пен сот мамандары қатысты.

Судья Д.Әбдіхалықов дөңгелек үстелді аша отырып, Қазақстан Республикасының мемлекеттік тілі – қазақ тілі, қазақ тілін оқып білу – әрбір азаматының міндеті екендігін атап өтті.

Дөңгелек үстелге қатысушылар мемлекеттік тілді қолдаудың ешқандай азаматтың мүддесіне нұқсан келтірмейтінін және де мемлекеттік тілді дамытудың бірден-бір жолы – іс-қағаздары мен іскерлік байланыс құжаттарын мемлекеттік тілге көшу екенін атап көрсетті.

Сонымен қатар, дөңгелек үстелге қатысушылар тіл мәселесі қазіргі кезде өте өзекті екенін және қай кезде болсын өз ана тіліміздің мәртебесін көтеру жөніндегі өз пікірлерін айтты.