Тауарларға ілеспе жүкқұжатты растау үшін арнайы чат-бот іске қосылды
Мемлекеттік кірістер комитеті ЕАЭО елдерінен мемлекеттік шекараны кесіп өту кезінде расталмаған импорт тауарларына ілеспе жүкқұжаттарды растау процесін оңтайландыруға мүмкіндік беретін Telegram чат-ботты іске қосты, деп хабарлайды ҚазАқпарат. Тауарларға ілеспе жүкқұжаттарды растау үшін мәліметтер жіберілген кезде, чат-бот тауарларды әкелінген өткізу пунктінің қызметкерлеріне деректерді автоматты түрде қайта жібереді. Тауарларға ілеспе жүкқұжаттарды мемлекеттік кірістер органдарының қызметкері растаған сәтте, чат-ботқа растау туралы хабарлама келеді. «Telegram мессенджеріндегі чат-ботқа қосылу үшін @snt-approval_bot теріп, жұмысты бастау және чат-боттың сұрауларын орындау қажет» деп толықтырды Мемлекеттік кірістер комитетінде. Барлық сұрақтар бойынша комитеттің байланыс телефонына +7 701 707 1411 whatsapp мессенджері арқылы хабарлама жіберуге болады.
