Еліне еңбегімен танылған
Жақында Жалаңтөс батыр ауылында орналасқан Қ.Пірімов атындағы №103 орта мектепте «Туған жерге тағзым» тақырыбында шара ұйымдастырылды. Басқосудың басты қонағы Жалаңтөс серіктестігінің міндетін атқарушы Абзал Сәрсенов болды. Ол өзінің ыстық ұясы – білім ордасына келіп, оқушылармен кездесті.«Туған елге тағзым ету – парызым, туған жерге қызмет ету – қарызым» дейтін жомарт жан ауылына деген ықыласын құр сөзбен емес, іспен дәлелдеп жүр. Ел ағасына айналған Абзал Сәрсенов қазіргі таңда өзінің туған жерінің түлеуіне шаруашылығы арқылы қызмет етуде.
«Елді одан әрі дамыту тек білімді, дамыған және мәдениетті жастардың қолында», – деп жас өрендерге сенімін білдіріп, ақ батасын берді.
Нұржамал ІДІРІС,
ұйымдастырушы педагог.
