Зерделеу жұмыстарын жүргізді
Партияның "Бақытты отбасы" жобасы аясында «Nur Otan» партиясы Қызылорда облыстық филиалы жанынан құрылған «Балалардың құқығын қорғау жөніндегі» облыстық жұмыс тобының мүшелері арнайы жұмыс сапарымен ауданымызда болды.
Жұмысшы топтың құрамында «Ұмай» емдеу-тәрбиелеу қайырымдылық балалар үйінің директоры, кеңес төрағасының орынбасары Анар Ізден, облыстық білім басқармасының бас маманы Айжан Қиянбекова, облыстық денсаулықсақтау басқармасының дәрігер-фтизиаторы және облыстық ішкі істер департаментінің ювеналды полиция инспекторы бар.
Ауданымыздағы инклюзивті білім беруге жағдай жасаған мекемелердің үлесін зерделеу мақсатында құрылған жұмысшы топ мүшелері және «Nur Otan» партиясының аудандық филиалы төрағасының бірінші орынбасары Мәмбетжан Қасқырбек, аудандық білім бөлімің басшысы Бектұр Қали, аудандық перзентхананың меңгерушісі Ещанова Айымкүл және сала мамандары бас қосып, жұмыс сапарының мақсат жоспарымен танысып, талқылап алды.
Одан әрі аудан орталығындағы және ауданға қарасты бірқатар елді мекендердегі білім беру мекемелерінде инклюзивті білім беру жұмыстарының ұйымдастырылуымен танысып, зерделеу жұмыстарын жүргізді.
"ҚАЗАЛЫ" ақпарат
